BESTE IKASTURTE BATEZ, LOGOPEDIA GRADUKO IKASLEEK KALTE ZEREBRALA DUTEN PERTSONEK KOMUNIKAZIOAN ETA IRENSTEAN DITUZTEN ARAZOAK EZAGUTU ZITUZTEN GURE HIRU LOGOPEDEN ESKUTIK
Maria Teresa Llorente Arcochak, Unibertsitate Pontifikaleko Osasunaren Zientzietako Fakultateko Logopedia Graduko dekanordeak, gure hiru logopeda hartu zituen joan den ostiralean, hilaren 16an. Ángela Fernández de Corres, Marina Pascual eta Clara Delgado Salamancara joan ziren kalte zerebralaren ondorioetan egiten den esku-hartze logopedikoari buruzko berariazko tailer bat emateko. Horrela, beste ikasturte batez, Logopedia Graduko ikasleek gure arreta-eredu logopedikoa ezagutzeko aukera izan du. Prestakuntza hau UPSAren eta Menni Sarearen arteko lankidetza-hitzarmenaren barruan jasotzen da.
Menni Sarean errehabilitazioan esperientzia handia izanda, Ángela Fernández de Corresek eta Marina Pascualek, Aita Menni Ospitaleko Kalte Zerebraleko Zerbitzuko logopedek, eta Clara Delgadok, Beata María Ana Ospitaleko Kalte Zerebraleko Unitateko logopedak, hartutako kalte zerebrala zer den, bere ondorioak eta esparru logopedikotik egiten duten tratamendua azaldu zuten. Nola heltzen da paziente neurologiko bat HKZko gure unitateetara? Nola egiten da diziplina arteko tratamendua? Eta koordinazioa familiarekin? Azalpenean galdera horiei eta beste batzuei eman zieten erantzuna, eta zenbait material erakutsi zituzten. Berezia ere izan zen ordezko komunikazio sistemen (OKS) erabilera. Tailerrean María Auxiliadora Rodríguez, Marta Rodríguez eta Ainhoa Mújika ikasleek ere parte hartu zuten, aurreko udan gure zentroetan egindako praktiketan izan zuten esperientzia kontatu zutenak.
Kalte zerebral baten ondorioen artean daude ahots, hizkera (disartria), hizkuntza (afasia) eta irenste (disfagia) arazoak. Arreta kliniko mota hori behar duten pazienteen bolumena dela eta, UPSA eta Menni Sarearen arteko lankidetza-hitzarmen berriak Logopediako Graduko ikasleentzako beka kopurua handitu du. Hemendik aurrera lau ikaslek (hiruren ordez) egin ahalko dituzte praktikak Euskadiko eta Madrilgo gure ospitaleetan.
Esku-hartze logopedikoa HKZn komunikabideetan
“Logopeda batek laguntza handia ematen die hartutako kalte zerebrala duten pazienteei”, nabarmendu zuen titularretan “Salamanca 24 horas” egunkariak. Ángela Fernández de Corresek hauxe adierazi zuen komunikabide honetan: “logopeda batek artatzen dituen pazienteak ulertuta sentitzen dira, eta haientzat emozio-laguntza oso garrantzitsua da, haien arazoak ulertzen ditugulako eta beste profesional batek baino lehenago izaten dugulako enpatia”.
Marina Pascualek azaldu zuen HKZ duten pertsonekin egindako lana zenbait fasetatik igarotzen dela: eragina izaten du, onartzen du, errehabilitazioan aurrera egiten du edo gelditzen da, eta horrenbestez, egokitzen da. Irensteko arazoei dagokienez, gogoratu zuen duela gutxi Disfagia Unitatea sortu zela Bilboko Aita Menni Neuroerrehabilitazio Zentroan.
Prebentzioaren esparruan Clara Delgado azpimarratu zuen HKZ kasuak saihestu daitezkeela ohitura osasungarriak hartuz eta hipertentsioa, kolesterola eta diabetesa bezalako arrisku-gaixotasunak zainduz. Horrez gain, beste arrisku-faktore batzuk nabarmendu zituen, hala nola tabako, alkohol eta drogen kontsumoa, estresa edo egoneko bizitza. Logopedek adierazi zuten 60 urtetik aurrera iktus baten ondoriozko HKZren eragina handiagoa dela, eta gazteen artean traumatismoengatik gertatzen dela.
Beste urte batez Salamancara berriro itzultzeko gogoarekin geratu ziren gure logopedak, jasotako tratuarengatik, bereziki Maria Teresa Llorente Arcocha Logopediako Graduko dekanordeak emandakoarengatik.
* Goiko argazkia: Salamancako Pontifize Unibertsitatea. Beheko argazkia: Salamanca 24 horas. Maria Teresa Llorente Arcocha,Ángela Fernández de Corres, Marina Pascual eta Clara Delgado.
