Upalah Magazin aldizkariaren 1. Zenbakia argitaratu da, amei amatasunaren bidean laguntzeko logopedek idatzitako lehen aldizkaria. Proiektu editorial hau logopeda talde batean abiatu da, eta horien artean dago Oihana Ramos Núñez, Aita Menni Ahizpa Ospitalarioen haurren errehabilitazio unitateko logopeda. Lehen artikuluan, gure adituak elikadurak haurren garapenean dituen zailtasunez hitz egiten du, hazkuntzaren inguruan sortu ohi diren zalantzak jorratuz.
Udaberri honetan atera da argitara Upalah Magazine, kontsultatik kanpo amatasunean laguntzen jarraitzeko logopedek idatzitako lehen aldizkaria. Izan ere, ohikoa da ama izatean hazkuntzari berari buruzko zalantza asko sortzea.
Logopeda talde batek –horien artean dago gure lankide Oihana Ramos Núñez, Aita Menni Ahizpa Ospitalarioen Haurren Errehabilitazio Unitateko kidea– begirada bat eskaintzen du bere ezagutzan eta esperientzian oinarrituta, garapenaren alderik humanoena ahaztu gabe, amei haurrekin batera hazteak dakarkien ziurgabetasunean laguntzeko.
“Zer ikusten du logopedak gure haurrak jan nahi ez duenean?”, hori da gure zentroko logopedaren artikuluaren izenburua. Bertan azaltzen duenez, askotan familia bat kontsultara iristen da semeak/alabak solidoak edo likidoak irensteko zailtasunen bat duelako. Gure adituak azpimarratu du diagnostikoa disfagia dela esateko arazo organiko bat egon behar dela. Baina, zer gertatzen da halako disfagiarik ez dagoenean eta txikiak jan gabe jarraitzen duenean? Kasu horietan nahasmendu bat dago, saihestekoa/murriztekoa izan daitekeena, eta, beharbada, mihipekoarekin zerikusia duena. Zalantzak eta kontzeptuak argitu ondoren, Oihana Ramos pixka bat harago doa, eta denbora batez intubatu behar izan dituzten eta irensten saiatzeko beldurra duten haurrek elikatzeko dituzten zailtasunei heltzen die. Puntu horretan azpimarratzen du logopedak erantzun berriak emateko gai diren profesional sanitarioak direla, hartutako patroi anomaloak aldatzen erakusteko gai direnak. Halaber, beste diziplina batzuetako profesionalekin taldean lan egiteko beharra nabarmentzen du, hala nola otorrinolaringologiarekin, psikologiarekin edo terapia okupazionalarekin.
Upalah Magazineren 1. zenbakia Upalahren webgunean, espazio bizian eta Amazonen eskuragarri dago, bai premium bertsioan (tapa gogorra), bai tapa bigunean eta formatu digitalean.
