Haurren hartutako Kalte Zerebralaren Elkartetik Ohorezko Bazkidearen Saria jaso dugu, Espainian kalte zerebrala duten haurren arretan eta errehabilitazioan zentro aitzindariak izateagatik. Hamargarren urteurrenean, entitateak, ahizpa ospitalarioen haurren errehabilitaziorako unitate espezializatuekin batera, Nafarroako Unibertsitate Ospitaleko Haurren Hartutako Kalte Zerebrala Artatzeko baliabidea eta Guttman Institutua aintzatesi ditu.
Hiru Hamabi | 3/12 Iruñean sortu zen orain dela hamar urte. Hasieratik, Ahizpa Ospitalarioen Menni Sareko Haurren Kalte Zerebralaren Errehabilitaziorako unitateek, bereziki Madrilgoak (Beata Maria Ana Ospitlaea) eta EAEkoak (Aita Menni Ospitalea), harreman sendoa mantendu dute elkartearekin. Zehazki, Menni Sareko Haurren Errehabilitaziorako Unitateetan, Madrilen, Euskal Autonomia Erkidegoan eta baita Valentzian eta Valladoliden ere, elkarlanean ari gara, kalte zerebrala duten haurrei eta haien familiei tratamenduak eskaintzeaz gain, haurren kalte zerebralaren neurorrehabilitaziorako beharrak ikusarazteko kanpainei ikusgarritasuna emanez, hitzaldien bidez, ikastetxeetara bisitak eginez, etab.
Haurren neurorrehabilitaziorako Espainiako lehen programak eta zentroak
Yolanda Fonsecak eta Felipe Goikoetxeak, Hiru Hamabiren lehendakari eta sortzaile, hurrenez hurren, ongietorria eman zieten bertaratutakoei, azaroaren 30ean, Iruñean egin zen 10. urteurrenaren ospakizunean. Erakundeak aurten berriro ekingo dio pandemiaz geroztik geroratuta zegoen Ohorezko Bazkideen sarien ekitaldiari, eta, horrez gain, HKZ duten haurren eskubideen defentsan hamarkada bateko ibilbidea ospatzeaz gain.
Hiru Hamabik | 3/12 hiru figura ditu bere estatutuetan: Ohorezko Bazkidea, Bazkide Gaztea eta Bazkide Mentorea. Bazkide Gazteak 18 urte bete dituzten baina elkartean jarraitu nahi duten elkarteko haurrak dira. Bazkide Mentorea da HKZk eragindako pertsona heldua, erakundearekin lankidetzan aritu nahi duena. Eta, azkenik, Ohorezko Bazkidearen figura dago, familiek taldearentzako babes eta laguntzan protagonismoa duten erakundeen eta pertsonen artean aukeratua.
Jose Ignacio Quemada doktorea, Kalte Zerebralaren Menni Sareko zuzendaria, eta Beatriz Gavilan doktorea, Madrilgo Maria Ana Beata Ospitaleko Haurren Errehabilitazio Unitateko koordinatzailea, Iruñera joan ziren Ahizpa Ospitalarioen zentroei emandako sari eder hori jasotzera, “Espainian haurren HKZren arretan aitzindariak diren programengatik”. Oso zirraragarria izan zen ekitaldira joatea, eta ere beren esker ona ere adierazi nahi izan zuten benetako ohore horrengatik.
Ahizpa Ospitalarioen zentroekin batera, Institut Guttmann eta Nafarroako Unibertsitate Ospitaleko Haurren Hartutako Kalte Zerebralaren Arretarako Baliabidea ere aintzatetsi zituzten.
Hiru Hamabi | 3/12
Hiru Hamabi | 3/12 elkarteak Espainiako hainbat erkidegotako familiak biltzen ditu, batez ere Nafarroa, Euskadi, Madril, Katalunia, Aragoi eta Balear Uharteetakoak. Garezur-garunetako traumatismo baten edo gaixotasun infekzioso baten ondorioz (meningitisa, garuneko tumore bat…) garunari eragin dion lesio bat izan duten haurren familiak dira. Elkarteak “kode diagnostiko bat, adingabeentzako balorazio neuropsikologikoak, eskolarekin etengabeko jarraipena egiten duen diziplina anitzeko arreta talde bat, terapia okupazionala eta gizarte langilearen figura” eskatzen ditu.
