AURTEN, ZUATZUKO EGUNEKO ZENTROKO ERABILTZAILEEN JARDUERA BEREZIAK EUROPAKO KULTUR HIRIBURUTZAREN PROGRAMAZIOAREKIN LOTUTA DAUDE. TITULU HORI 2016. URTEAN IZANGO DU HIRIAK
Iaz Zuatzuko Aita Menni Eguneko Zentroaren erabiltzaileen programazio berezia kirola egiteko izan zen; aurten, ez zegoen beste modurik, izan ere, Donostia Europako Kultur Hiriburua da, #DSS2016.
Hainbat kultur ekitaldi izango dira 2016an Donostian, ohiko ekitaldi eta jaialdiez gain. Eta eguneko zentroko erabiltzaileek ezin dituzte galduko. Joan den ostegunean, martxoak 31, hamaika erabiltzaileko talde bat, bi terapeuta, Psikologiako praktikak egiten ari den ikasle bat eta erabiltzaile baten ama Donostiako Alde Zaharrean dagoen San Telmo Museora joan ziren antolatzaileek gehien azaldutako eta gomendatutako erakusketa bat ikustera: “Gaur Konstelazioak”.
Argazkian ikus daitekeenez, zentroko autobusak Museora hurbildu gintuen, eta taldeak erakusketaz gozatzeko aukera izan zuen, 10:30etik 12:00ak arte. Zuatzuko parkera lineako autobusez itzuli ziren, baina batzuek taxiz itzuli behar izan zuten eguraldi txarrarengatik. Esperientzia oso ona izan zen, asko gozatu zuten, eta erakusketa, erabiltzaile guztiek adierazi zuten moduan, “oso gomendagarria” izan zen.
Norbaitek interesik balu, erakusketa honetan Amable Arias, Rafael Ruiz Balerdi, Néstor Basterretxea, Eduardo Chillida, Remigio Mendiburu, Jorge Oteiza, José Antonio Sistiaga eta José Luis Zumeta artisten lanak biltzen ditu, euskal atearen konstelaziorik garrantzitsu eta berritzaileena beraz, eta maiatzaren 15era arte egongo da ikusgai.
