Naiara Mimentzak bere azterketa azaldu zuen, iktus bat izan eta hiru hilabetera psikopatologiak duen prebalentziari buruz, neuropsikologiako II. Biltzar Iberoamerikarrean. Aita Menniko neuropsikologoak ondorioztatu du alterazio psikopatologikoek lotura dutela eguneroko bizimoduaren funtzionamendu okerrago batekin, eta, gainera, alterazio psikopatologiko batzuk indarrari lotzen zaizkiola.
Maiatzaren 3, 4 eta 5ean, Neuropsikologiako II. Biltzar Iberoamerikarra egin da, Almerian. Testuinguru horretan, Naiara Mimentzak, Aita Menni Ospitaleko Kalte Zerebraleko Unitateko neuropsikologoak, bere azterketa azaldu zuen, iktusa sufritu duten pertsonek dituzten nahasmendu emozionalei buruz.
Iktusa da bigarren edo hirugarren heriotza kausa eta lehenengo desgaitasun kausa mendebaldeko gizartean. Eragin ohi dituen alterazio psikopatologikoek inpaktu negatiboa sortzen dute pazienteen eta senideen errehabilitazioan eta bizitza kalitatean. Horiek dira Naiara Mimentzaren lana motibatzen duten arrazoietako batzuk. Behaketa bidezko azterketa transbertsala egin du, 47na laguneko bi talde analizatuta: azterketa taldea (AT) eta kontrol taldea (KT), eta helburua zen psikopatologiaren prebalentzia deskribatzea iktusa sufritu eta hiru hilabetera, baita alterazio psikopatologikoen artean dauden erlazioak zehaztea ere, psikopatologiaren eta ahalmen funtzionalaren artean dauden erlazioekin batera.
Metodologia
Pertsona bakoitzaren alterazio psikopatologikoak eta ahalmen funtzionala neurtzeko, hainbat eskala erabili ziren: Ebaluazio Neurologikoaren Eskala, NIH; Apatia Ebaluatzeko Eskala; Ageriko Erasokortasun Eskala, OAS; Antsietate Orokortuaren Eskala, GAD-7; Irritability Questionnaire, IRQ; Pazientearen Osasun Galdetegia, PHQ-9; Inbentario Neuropsikiatrikoa, NPI; Azterketa Kognoszitibo Mini-Mentala, MMSE; Functional Assessment Measure, FIM+FAM; Barthel Indizea.
Azterketaren emaitzen aarabera, ATko %46,7k nahasmendu depresiboa aurkeztu zuten, %53,2k apatia eta %27,7k antsietatea. NPIn, laginaren %84k nolabaiteko alterazio psikologiko bat aurkeztu zuen. Halaber, korrelazio positiboak aurkitu ziren depresioaren eta suminkortasunaren, depresioaren eta apatiaren, depresioaren eta antsietatearen, suminkortasunaren eta erasokortasunaren, suminkortasunaren eta antsietatearen, erasokortasunaren eta antsietatearen eta apatiaren eta suminkortasunaren artean. Zehazki baloratutako alterazio psikopatologikoetako bakoitzak korrelazio positiboa izan zuen NPIko puntuazio totalarekiko. Psikopatologiaren eta funtzionaltasunaren arteko erlazioari dagokionez, berriz, alderantzizko korrelazio esanguratsuak lortu ziren depresioaren eta funtzionaltasuanren artean, baita apatiaren eta funtzionaltasunaren artean ere.
Psicopatología del Ictus by Red Menni de Daño Cerebral on Scribd
Ondorioak
Naiara Mimentzak bere posterrean azaldu zuen bezala, iktusek alterazio psikopatologiko ugari eragiten dituzte, eta horiek lotura dute eguneroko bizitzako jardueren funtzionamendu okerragoarekin. Gainera, alterazio psikopatologikoen arteko harremana ohikoa da. Ondorioz:
· Iktus baten ondoren alterazio psikopatologikoen prebalentzia handia da.
· Depresioa eat apatia eguneroko bizitzako jardueren funtzionamendu okerrago batekin lotzen dira.
· Depresioa, suminkortasuna eta antsietatea indarrarekin lotzen dira.
· Apatia depresioarekin lotzen da, hein txikiago batean suminkortasunarekin, eta ez da antsietatearekin lotzen.
· Erasokortasuna suminortasunarekin eta apatiarekin lotzen da.
· Antsietatea, suminkortasuna eta erasokortasuna ez dira funtzionamendu kognitiboarekin lotzen.
CIN
Neuropsikologiako Biltzar Iberoamerikarra diziplina horren ezinbesteko hitzordu bihurtzen ari da Espainian eta Iberoamerikan. George Prigatano eta Mckay Moore Sohlberg doktoreena bezain mailako handiko hizlariek, eta kalte zerebralaren errehabilitazioari buruzko beste ponentzia eta tailer interesgarri askok 700 profesional erakarri dituzte bigarren edizio honetara, horien artean egonik Naiara Mimentza, zeinak lehenago deskribatu den posterra aurkeztu zuen, baita Beata Maria Ana Ospitaleko Neuropsikologia taldeko hainbat kide ere, tartean Marga Pascual, Begoña Gonzalez, Alba Gomez eta David de Noreña.
