DIEGO CUBESEK ZENBAIT ORDU EMATEN DITU EGUNERO BERE MUNDU PERTSONALA PAPEREAN ADIERAZTEN
Diego Cubes Elkorok ez zuen margotzen garuneko hodietako istripua (GHI) izan aurretik, baina horrek, bestelako ondorioen artean, hitzez adierazteko ezgaitasuna eragin zion.“Orduz geroztik marrazketan eta pinturan babesten da adierazpide moduan eta barrena lasaitzeko.Orduak ematen ditu margotzen, neketsu, ia pirri bat moduan.Bere artea funtsean espresionista da, agian errealitatea deformatuta duen eta bere lanekin kromatikoki eta fisikoki puzten duen norbaiten barrenetik sortutakoa.Forma leun eta harmoniatsuak izanda, bere kromatismo aberatsa ere nabarmentzen da”.
Hitz horien bidez eman zuen Bilboko Udaleko liburuxkak Abandoko Udal Zentroan egindako erakusketaren berri.Bi urte egon da itxaronzerrendan areto honetan bere lanaren zati bat lagun, senide eta herritarrei oro har erakutsi ahal izateko.
Eguneroko lana
Bere etxean egunero paperak hedatzen eta batzen diren mahai bat dago.Lanbidez ingeniaria da Diego Cubes Elkoro eta operazale handia ere bai. Diego Bilboko Aita Menni Neuroerrehabilitazio Zentrora joan zen errehabilitatzeko, bi hilabete baino gehiago Arrasateko Aita Menni Ospitalean egonda. Handik gutxi marrazten hasi zen, bere adierazteko beharra asetzeko. Ez du erregelarik erabiltzen; beti esku hutsez lerroak egiteko arkatza hartzen duenean bere pultsuak dardaratzeari uzten dio. Ezkerreko eskuaz lan egin behar du, behartuta, baina umore onez egiten du.
Diego Cubesen lanean plangintza artistikoa antzematen da; bere gaiak aukeratzen ditu, eta erabakitasunez adierazten dio bere emazteari, Begoña San Salvador del Valleri, zer tamainako papera beharko duen.Deigarria da bere koloreen oparotasuna, hala ere, Begoñak esan digu Diegoren azken lanetan kolore grisagoak agertzen hasi direla.
Askotariko gaiak erabiltzen ditu Diego Cubesek.Gai naturalak (hegaztiak eta arrainak), Durangon emandako haurtzaroa gogorarazten dioten tokiak, bere senideen erretratuak (seme-alabak, ilobak), eta adierazpen abstraktuak dira bere lanetan ikus ditzakegunak.Esanguratsua da formekiko eta mihisean duten kokapenarekiko duen interesa.Ikuspegi espazial berezi horren adibidea “Zezenketa” lana dugu (goi konposizioaren lanen artean hirugarrena).
Pinturarekiko interesa piztu zitzaion une berean Diego hedabide grafikoen irudiak gordetzen ere hasi zen.Irudi bat gustatzen bazaio, zerbait berezia sentiarazten badu edo hunkitzen badu, hartzen du eta bere hurrengo lanerako erabiltzen du, horretan oinarrituz.
Garuneko Kalteko Menni Sareko zuzendaria, José Ignacio Quemada eta Álvaro López Quintana logopeda Diego Cubes Elkororen erakusketa ikustera joan ziren, eta margotzen jarraitzeko animatu zuten.Bere lanak ikusita, elkar zoriondu zuten, izan ere, komunikazio-trastorno larria izan arren, hauen moduko lan konplexu eta sortzaileak egin daitezkeela egiaztatu dutelako.Diego Cubesen koadroetan pentsamendu egituratua dago, komunikazio-trastorno larria izan arren, eta planifikatuta dauden ekintzak egiteko, aurreratzeko eta helburuak ezartzeko gai da.
