Izen ematea zabalik. AITA MENNI OSPITALEAK antolatuta, prestakuntza urtarrilaren 28 eta 29an egingo da, bilbon

Arnasa hartzeko arazoak oso ohikoak dira haurtzaroan.Arazo horietako askok neska-mutikoen bizitzari eragiten diote eta kronikoak izaten dira.Arnas Fisioterapiak, arnas aparatuaren eta arazo horietan gertatzen diren alterazio fisiopatologikoen ezagutza sakonetik  abiatuta, hainbat teknika garatzen ditu prebenitzeko, sendatzeko eta egonkortzeko; oso baliagarria da biriketako gaixotasun butxatzaileak eta murriztaileak lantzeko.

Ikastaroaren helburuetako batzuk dira jaioberriarengan edo haurrarengan gertatu daitezkeen arnas patologiak ezagutzea eta Pediatrian erabiltzen diren arnas fisioterapiako tekniken erabilera hurbiletik ikastea, ondoren praktikatu ahal izateko.Saioen amaieran, fisioterapeuta parte hartzaileak gai izango dira arnas pazientea baloratzeko, eta patologia edo sintomak teknikarik egokienarekin lotzeko.

Arnas gaixotasunak dira kontsulta pediatriko gehienen arrazoia.Arnasa hartzeko arazoak larrialdietan sartzeko bigarren kausa dira, eta ospitaleratzeen %20 inguru eragiten dute.Nerbio sistema kaltetuta baldin badago, mugimenduaren alterazioak aurkitu ditzakegu, eta horiek arnas muskuluei ere eragin diezaieke eta, ondorioz, haurrek arrisku gehiago izan dezakete arnas infekzioak nozitzeko.Arnas fisioterapiak lagundu egiten du arnasketan, airea botatzen laguntzen du, infekzioak eta konplikazioak saihesten ditu, eztula eta bularreko zaratak urritzen ditu, elikadura eta loa hobetzen ditu eta, beraz, bizitza kalitatea eta autonomia hobetzen ditu.Are, medikatzeko beharra urritu ere egin dezake.

Ikastaroa

Aita Menni Ospitaleko Kalte Zerebraleko Unitateak antolatuta, prestakuntza fisioterapeuta tituludunentzat baino ez da.Gaien artean, Anatomia eta Fisiologiaz gain, teknika instrumentalak eta instrumentalak ez direnak egongo dira, patologia neuromuskularra, fibrosi kistikoa eta garun paralisia landuko dira, haurrengan ohikoak diren beste patologia batzuekin batera.Fisioterapia Pediatrikoko eta Toraxeko Fisioterapia Masterra duen Montserrat Junca Carrasco irakaslearen eskutik, hainbat kasu praktiko eta benetako kasu bat landuko dira.

Eskolak 2017ko urtarrilaren 28an eta 29an emango dira, larunbata eta igandea, hurrenez hurren, 9:00etatik 20:00etara, Aita Menni Ospitalearen instalazioetan, Bilboko Egaña kaleko 10ean.

Interesa duten pertsonek hemen deskargatu daitekeen buletina bete behar dute eta ordainagiriarekin batera bidali: cener.aitamenni@hospitalarias.es.Informazio gehiagorako, jarri harremanetan Olatz Otaolarekin, 94 443 49 27 telefonoan.

CURSO FISIOTERAPIA RESPIRATORIA PEDIÁTRICA by Red Menni de Daño Cerebral on Scribd