Aita Menni Ahizpa Ospitalarioen erakundeak akordio bat du Deustuko Unibertsitatearekin (DU), gure erakundeko profesionalen lankidetza jasotzen duena psikologia klinikoko masterra emateko, graduondoko horretan praktika klinikoa nabarmentzen delarik. Aldizka, DU-k balorazio bilerak deitzen ditu, praktikak nola garatzen ari diren aztertzeko.
Ainhoa Espinosa de Luzarraga
80ko hamarkadaren erdialdetik, Aita Menni Ahizpa Ospitalarioen erakundea Deustuko Unibertsitatearekin dabil lankidetzan Neuropsikologia eta Psikologia Kliniko sanitario orokorreko Master bikoitza emateko. Graduondokoa praktika klinikora bideratuta dago, eta prestakuntza horretan matrikulatu direnei irakaskuntza teorikoaren, praktikoaren eta ikerketaren konbinazio baten bidez ematen zaie espezializazioa.
Zehazki, Aita Menni Ospitaleak Neuropsikologia moduluan laguntzen du, bai gai zerrenda teorikoaren aukeratzen, bai praktikak egiten. Horregatik, masterreko ikasleei bere dispositiboetako batzuetan esperientzia praktikoa lortzeko aukera eskaintzen die, pazienteekin eta senideekin egiten diren terapietan parte hartuz.
Praktika horiek nola garatzen ari diren baloratzeko, Deustuko Unibertsitateak aldian-aldian bilerak deitzen ditu praktikak egiten diren zentroetako ordezkariekin. Hilaren 24an, Ainhoa Espinosa de Luzarraga, Aita Menni Ahizpa Ospitalarioen Kalte Zerebralaren Zerbitzuko neuropsikologoa, Aita Menni Ahizpa Ospitalarioen ordezkari izan zen topaketa horretan, Ana I. Domínguez Panchon Psikologian doktore eta Aita Menniko psikologoak koordinatuta. Bileran hainbat gai aztertu ziren, hala nola Psikologia Fakultatearekiko komunikazioa nolakoa den, Deustuko Unibertsitatean jasotako prestakuntzak ikasleak beharrezko trebetasunak garatzeko zein mailatan gaitzen dituen, Deustuko titulazioetako ikasle egresatuen artean alderik dagoen beste zentro batzuetakoarekin alderatuta, eta ikasle horiek praktiketan egindako lanetik zein trebetasun nabarmentzen diren, besteak beste.
Aita Menni Ospitalearen eta Deustuko Unibertsitatearen arteko aldizkako bilera horiek funtsezkoak dira praktiken aurrerapena ebaluatzeko eta ikasleei eskainitako prestakuntza aberasteko. Bi erakundeek lankidetza indartu dute, eta, horrenbestez, psikologia klinikoaren arloko kalitatezko hezkuntza bermatzen dute.
