BERE AZKEN POEMA BILDUMA aITA MENNI NEUROERREHABILITAZIO ZENTROAN. AURKEZTU ZUEN ZENBAIT EGUN GEROAGO ALEAK SINATZEN EGON ZEN BILBOKO LIBURU AZOKAN
Iker Latatuk ezin du beti nahi lukeen moduan adieraz, eta agin horregatik poeta egin zen. Istripua izan zuenetik eta idatzizko hitzak ematen dion askatasunarekin, bere bosgarren lana argitaratu du: ‘Vosotros sentís y yo escribo’ (Ediciones Beta). Bilboko Liburu Azokaren astean Aita Menni Neuroerrehabilitazio Zentrora hurbildu nahi izan zuen, Kalte Zerebraleko Eguneko Zentrora etortzen diren pertsonek bere poemak eta jarduera ezagut zitzaten.
Publikoaren artean malkoren bat ere egon zen Miren E. Palacios idazleak bere lanen zati batzuk irakurri zituenean. Iker Latatuk arima jartzen du hitz bakoitzean. Idatziz nerabea zenean bizikletatik izan zuen erorketa txar baten ondorioz duen afasia orekatzen du. Arrazoi horregatik, Aita Mennin Errehabilitazioa jasotzen duten kalte zerebraleko pertsonentzat oso baliotsua izan zen zentroan egotea: Ikerrek bere lumarekin zailtasunak gainditzen jakin du eta garapen pertsonalaren eredu handia da.
“Ni erromantikoa naiz, eta ez zaionari gustatzen ez dezala begiratu”, esan du. Maitasuna eta maitasun eza gai nagusiak izanda, poemaz poema, ospea handitzen joan da bilbotar hau literaturaren arloan. Horrela erakusten dute zenbait komunikabidek egin dizkioten elkarrizketek; baita bere erakundea den ATECE Bizkaia buletinean ere.
Badaki irmotasuna arrakastaren gakoa dela. “Eta zuk sentitzen baduzu, nik idazten jarraituko dut”. Asmoen adierazpen horrekin, irakurleen lagun eta adorez betea, Iker Latatuk joan den ekainaren 9an bere argitaletxearen standera hurbil zirenei eskaini zien azken lana.
Hemendik bere sentimendu, iritzi eta emozioak paperaren gainean islatzen jarraitzera animatzen dugu, eta arrakasta handia opa diogu. Merezi duzu, Iker!!
