‘Bixio’ Gorriz, Michel Loinaz, Txino Martinez, Diego Alvarez, Agustin Gajate, Juan Mari Esnaola, Ibon Amutxastegi eta Periko Alonsorekin estadio txuri-urdineko instalazioak zeharkatzea eta haien gertutasuna sentitzea esperientzia ahaztezina izan zen artatzen ditugun pertsonentzat.
Aita Menni Ahizpa Ospitalarioetan, orain dela 9 urte futbolean oinarrituta hasi ziren “Erreminiszentzia tailerrek” aurrera jarraitzen dute. Donostiako Zuatzuko Eguneko Zentroan kalte zerebrala duten pertsonentzako saioetara Futbolari Beteranoen Elkarteen Espainiako Federazioak (FEAFV) bultzatutako beste tailer batzuk gehitzen joan dira. Zehazki, Gipuzkoan, Alberto ‘Bixio’ Gorriz eta Michel Loinaz beteranoek tailer bat ematen dute Arrasateko Eguneko Zentroan, non, Musakola auzoko instalazio berrietan, hartutako kalte zerebrala eta gaixotasun mentala duten pertsonak biltzen diren, Realeko mugarriak gogoratuz gozatzeko. Hainbeste denboraren ondoren, eta esperientzia horretan boluntario gisa hainbesteko maitasunez murgiltzen direnez, bi futbolari ohiak Aita Menni familiako kide dira dagoeneko. Ikusi besterik ez da behar nola agurtzen dituzten tailerretan parte hartzen duten pertsonak, nola interesatzen zaizkien, eragiten dituzten sentsazioak.
Azken egunetan, gainera, tailer horietan parte hartu dute Juan Maria Zorriqueta FEAFVeko presidenteak eta Luis Miguel Arconada atezain mitikoak. Saio atsegin horien helburua da futbolaren bidez burua estimulatzea eta haurtzaroari, gaztaroari eta heldutasunari lotutako oroitzapenak berreskuratzea. Hari nagusia taldeen historia da, eta programan futboleko mitoekin egindako topaketak,, entrenamenduetara joatea eta estadioetara bisitak egitea sartzen dira.
Atzoko oroitzapenak, gaurko emozioak
Ikasturtez ikasturte 12 astez luzatzen den jarduera hunkigarri honen parte bat Realaren jokoaren ingurunea ezagutzea da. Abenduaren 11n, Zuatzuko zentroan eta Arrasateko Eguneko Ospitalean kalte zerebrala eta gaixotasun mentala duten pertsona talde handi batek Reale Arena estadioa bisitatu zuen, tailerrak eman ohi dituzten bi futbolari beteranoekin eta taldeko beste sei futbolari beteranorekin batera: Txino Martinez, Diego Alvarez, Agustin Gajate, Juan Mari Esnaola, Ibon Amutxastegi eta Periko Alonso. Haiekin argazkiak atera, pasadizoak partekatu eta emozio uneak berpiztu ahal izan zituzten.
Talde txuri-urdinaren, Eibarren, Madrilen edo Bilboko Athleticen jarraitzaileak izan, mundu guztiak gozatu zuen ibilbidearekin, beste bisitari batzuen artean jakin-mina piztuz, zeinek miresmenez adierazten zuten gure taldean, esaterako, Realean partida gehien jokatu dituen jokalaria zegoela, ‘Bixio’.
Erabiltzaileak Aita Menniko profesionalek eta kasu askotan etxekoek lagunduta joan zirenen eta goiz ahaztezina gertatu zen, irribarrez eta umore onez betea.
ESKERRIK ASKO!
Aita Menni Ahizpa Ospitalarioetatik eskerrak eman nahi dizkiegu, lehenik eta behin, beren denbora, maitasuna eta energia kutsakorra eskaintzen diguten futbolariei, giza kalitateagatik, eta baita Real Sociedad Fundazioari, LALIGA FUNDAZIOAri eta FEAFVi ere, artatzen ditugun pertsonei hain tarte onak ematen dizkien ekimen hori posible egiteagatik.
Bide batez, gure esker ona helarazi nahi diegu Bilboko Athletic Klubari eta bere jokalari ohiei, gure erakundeak Bilbon kudeatzen duen adinekoentzako Txurdinagabarri egoitzan antzeko tailerrak egiteagatik.
* Honela jaso zuen berria El Diario Vascok: «Esta visita no tiene precio para nosotros»
**Argazkiak: Real Sociedad
