Ipar martxa edozein pertsonak egin dezakeen kirol modalitatea da.Nordic walking egiteko, gogoa eta bi bastoi berezi baino ez dira behar.Baina “bastoiekin ibiltzea” baino askoz ere gehiago da:ipar martxak muskuluen % 90 aktiba ditzake eta hainbat onura dakartza.Hori dela eta, Donostiako Aita Menni Garuneko Kalteko Eguneko Zentroko erabiltzaileek ezagutu nahi izan dute, eta goi-mailako ordezkaritza baten eskutik egin dute:Euskadiko Nordic Walking elkarteko lehendakaria den Xabier Madinarekin, eta Mª José Villalba eta Jesús Mª Eraña irakasleekin.
Hitzaldi atsegin, interesagarri eta positiboaren ondoren zentroko zenbait erabiltzailek bastoiak jartzeko eta kirol-jarduera hau egin dezaketela egiaztatzeko aukera pozgarria izan zuten.Saioa baloratzean erabiltzaile gehienentzat bisita hunkigarria eta esanguratsua izan zen, eta ariketa egiteko modu lasaigarria dela esan zuten.
Ipar martxak mugikortasuna, indarra, sistema karbiobaskularra eta koordinazioa hobetzen ditu.Onura horiei, estres mailak arintzeko eta gaixotasunak prebenitzeko gaitasuna ere gehitu behar diegu.Horrenbestez, jarduera egokia da garuneko kaltea duten pertsonentzat.Izan ere, zenbait herrialdetan errehabilitazio-programen barruan erabiltzen dute.
Aita Menniko terapeutek ez dute baztertzen etorkizunean ariketa hori taldeko jardueren artean sartzea.Zentro erabiltzaileei asko gustatu zaie ibiltzeko modu horren berri izatea; primeran pasatu zuten eta euskal federazioaren ordezkarien bisitaren ondoren oso animatuta daude egiteko.“Errepikatu behar dugu!”, diote, eta Euskadiko Nordic Walking elkarteko topaketen batean parte hartzeko gonbidatu dituzte.Ziur asko hemendik gutxira nordic walking egiten ikusiko ditugu Zuatzu Parketik.
ANIMO LAGUNAK, TXAPELDUNAK ZARETE!
