Askotariko jarduerekin gure erabiltzaileen gaitasunak mantentzen edo hobetzen saiatzen gara

Hauek dira Gabonetan urtero Arrasateko Azoka Zentroan garatzen dituzten jardueretako batzuk: eguneko zentroa apaintzea, Gabonetako turroia eta gozokiak dastatzea, mahatsak hartzea, urte berriari desioak eskatzea edo Erregeen opariak prestatzea.Terapeutak eta erabiltzaileak buru-belarri egoten dira egun hauetan, hala ere, urteko gainerako egunetan ere tailerrak, ibilaldiak, irteerak, eskulanak, saioak eta bestelako ospakizunak ere antolatzen dira.Sormena, errealitatearekiko orientazioa, gizarteratzea eta abar sustatzen dira, eta, bide batez, une onaz gozatu.   

Badakigu parte hartzen duten pertsonen kasuan neurtzea zaila bada ere, onurak oso handiak direla.Hori dela eta, jarduera hauek guztiak gure errehabilitazio-ereduaren barruan daude, eta talde-lanaren eta lan ludiko eta terapeutikoaren aukerak bihurtzen dira.Garuneko kaltea dutenen bizi-kalitatea hobetzen eta autonomia lortzen laguntzen dute.Helburua beti da gure erabiltzaileen gaitasunak ahal den beste hobetzea edo mantentzea. Horretarako, haien gustuak eta beharrak kontuan hartzen saiatzen gara, jardueren aukeraketan parte har dezaten, eta haien motibazioa handi dadin.