Hartutako Kalte Zerebralaren Eguna dela-eta HKZ-ri buruzko “Hitz pasa” tematiko bat sortu dugu. Joko honen bidez, kalte zerebralaren errehabilitazioarekin lotutako termino giltzarriak zabaldu nahi ditugu. Alfabetoko letra bakoitzari lotutako galderen bidez, kaltetutako pertsona eta familia askoren egunerokotasuneko kontzeptuak ikastera gonbidatzen zaituztegu.
2023ko Menni Sarearen Memoriak aurreko ekitaldian Aita Menni Ahizpa Ospitalarioetan hartutako kalte zerebralari emandako arretaren emaitzak jasotzen ditu: 128 lagun sartu ziren arrasateko gure ospitaleratze unitateetan, eta 645 artatu genituen unitate anbulatorioetan, non 26.000 kontsulta/saio baino gehiago egin ziren. Dokumentuak zehazten du, halaber, Bilbon dagoen Haurrentzako Errehabilitazio Unitateak 109 haur artatu zituela.
Arrasateko Musakolan dugun Kalte Zerebraleko Eguneko Zentroak oso bisita berezia hartu zuen: Nikaraguako Diriambako eguneko zentroko hiru erabiltzaile gu eta gure zentroa ezagutzeko parada izan zuten ‘Aktibo Mundu Solidario baten alde’ ekimenari esker. Topaketak are gehiago estutzen ditu duela sei urtetik garapenerako gobernuz kanpoko erakunde horrekin ditugun loturak.
Ainhoa Espinosa de Luzarraga, Aita Menni Ahizpa Ospitalarioen Kalte Zerebralaren Zerbitzuko neuropsikologoa, Sevillako campusean egindako Psikologiako II. Jardunaldi Profesionaletako hizlarien paneleko kide izan zen, garuneko lesio bat izan duten pertsonen sexu osasunari arreta ematearen garrantzia azpimarratzeko.
Aita Menni Ahizpa Ospitalarioen psikologiako eta neuropsikologiako profesionalek eskolak ematen jarraitzen dute Deustuko Unibertsitateko Osasun Psikologia Orokorreko + Neuropsikologia Klinikoko Masterrean. Ainhoa Espinosa de Luzarraga neuropsikologoak hartutako kalte zerebrala izan duten helduen nahasmenduen errehabilitazio kognitiboari lotutako ikasgaiak ematen ditu.
Aita Menni ahizpa ospitalarioetako neuropsikologo Ainhoa Espinosak, sexualitatea pertsona guztien eskubidea delako konbentzituta, haien ezaugarriak edo baldintzak edozein direla ere, hartutako kalte zerebral baten ondorengo esku hartze neuropsikologikoan sexualitatea lantzeak duen garrantziaz hitz egin zuen. Azalpenean zehar, ikuspegi integral baten beharra azpimarratu zuen, sexu osasunean interferentziak identifikatzeko eta txosten neuropsikologikoetan jarraibideak sartzeko.
