Neuropsikologiako profesionalak diziplina anitzeko taldeen koordinazioan

Neuropsikologiako profesionalak diziplina anitzeko taldeen koordinazioan
mar

14

2018

Neuropsikologiako profesionalak diziplina anitzeko taldeen koordinazioan


Noemí Alvarezek lan nabarmena egin zuen Neuropsikologiako X. Kongresu Nazionalean.Bilboko Aita Menni Neuroerrehabilitazio Zentroko neuropsikologo eta koordinatzaileak azaldu zuen diziplina honetan aritzen direnen eginkizuna gero eta handiagoa dela koordinazio lanetan.

Bilboko Aita Menni Neuroerrehabilitazio Zentroko neuropsikologo eta koordonatzailea den Noemí Álvarezek lan nabarmena egin zuen Espainiako Neuropsikologia Elkarteen Federaizoak (FANPSE) martxoaren 1etik 3ra Valentzian antolatutako Neuropsikologiako X. Kongresu Nazionalean. Foro zientifiko-kliniko hau profesional/lan-taldeak eta ikerketa arlo edo klinikak harremanetan jartzeko eta ezagutzak trukatzeko da, neuropsikologiako esparruaren barruan. Gure adituak neuropsikologiako profesionalek diziplina anitzeko taldeak koordinatzen duten eginkizuna deskribatu zuen.

Pazienteak errehabilitazio neurologikoko unitate anbulatoriora heltzen direnean, bai Arrasateko Ospitaleratze Unitatetik etorritakoak, bai beste unitate batzuetatik (ospitale orokorra, errehabilitaziokoa) alta emanda etorritakoak, gure diziplina anitzeko taldeak -besteak beste psikiatrian, medikuntza fisikoan eta errehabilitazioan eta neurologian adituak diren medikuez eta fisioterapeutez, logopedez, terapeuta okupazionalez eta neuropsikologoez osatutakoak- lehen elkarrizketak egiten ditu, normalean medikoak. Bestalde, tratamendu-plan bat ezartzen du, eta plan horretan, zenbait arlotako profesionalek esku hartzen dute. Normalean hiru hilez behin diziplina anitzeko eta diziplina bateko bilerak egiten dira kasuak berrikusteko. Mota honetako topaketetan, Neuropsikologiako profesionalen eginkizuna gero eta handiagoa izan da koordinazioan, neuropsikologia klinikoaren profesional horien gaikuntzarengatik eta gure lan-ereduarengatik.

Intervención-neuropsicológica

KJKFF (CCCFF, gaztelaniaz) eredua

Gure neuropsikologoak azaldu zuen duela 10 urte baino gehiago erabiltzen dugula Neuropsikologiako Arloan KJKFF (CCCFF, gaztelaniaz) siglekin ezagutzen dugun metodoa. Hain zuzen lehen ebaluazioan informazioa lortzeko dugun esparruen inizialak dira: kognizioa, jokabidea, kontzientzia, funtzionaltasuna eta familia.

Jokabidearen nahasmendu larria lehena da lehentasunen zerrendan. Defizit funtzionalak lehentasunezko bigarren esku-hartzeen barruan daude. Defizit kognitibo arinak eta moderatuak modu estandarizatuan ebaluatu behar dira, eta gaitasunen sortzeari (jokabidea eta funtzionala) eta esku-hartzeari buruzko informazioa ematen dute. Kontzientzia-defizita badago, hobekuntzak onura funtzionalak edo gizartera moldatzea ekartzen badu bakarrik esku hartzen da. Muga berriez jabetzeko agian laguntza psikoterapeutikoa beharko da.

Dinamika taldearen barruan dago. Neuropsikologoek tratamenduaren eta familien alderdi orokorren inguruan esku hartzen dute. Familiarekiko lana eragindako pertsona terapian parte hartzeko prest dagoen familia-giro batean bizi bada bakarrik egiten da. Neuropsikologiako profesionala kasuaren esparru orokorrari buruz (autonomia eta ongizatea) hitz egiten duen irudi egonkorra bihurtzen da. Horrek guztiak diziplina anitzeko lana, kasua oro har ulertzen eta taldearen kohesioan laguntzen du.

Laguntza-prozesua

Noemí Álvarezek azaldu zuen hasieratik neuropsikologoa jarraibideak eta ariketak eskaintzen saiatzen dela, eta horrek erakartzen laguntzen duela. Bere zereginen artean daude helburuak negoziatzea eta beharrak berariazko helburu bihurtzea. “Prozesua bildu eta monitorizatzen dugu.Lan dinamikoa da, eta beste arlo batzuetatik ere jasotzen eta galdetzen dugu informazioa”, esan zuen.

Alta ematen denean taldearen koordinazioa eta familiarekiko kontaktuak handitu egiten dira. Neuropsikologiako profesionalak helburuak berrikusten ditu; behar berriak eta erantzuteko modu desberdinak baloratzen ditu; bizipena jasotzen du eta familiari erabakiak hartzen laguntzen dio. Beraz, HKZko laguntza-talde baten koordinazio lanak hau ekartzen du:

o    Kasuen ikuspegi orokor bat izateko gai izatea.

o    Ikuspegi operatibo bat izatea, helburu zehatzekin.

o    Enpatia sentitzeko, modu aktiboan entzuteko, emozio-testuinguru desberdinetan komunikatzeko eta problemak ebazteko gai izatea eragile guztiekin (pazientea, familia, taldea, beste profesional batzuk).

o    Familiekin lan egitea.

“Neuropsikologo klinikoak gaitasun horiek ditu eta diziplina anitzeko gainerako taldearekin hizkuntza bera erabiltzen du.Bere lana arazo jakinez harago joan daiteke, eta behar horiei erantzun diezaieke”, amaitu zuen Noemi Alvarezek.

 

Jordi Bernabéu eta Juan Manuel Muñoz Céspedes sariak

Neuropsikologiako X. Kongresu Nazional honetan “Juan Manuel Muñoz Céspedes” eta “Jordi Bernabeu” sariak banatu ziren berriz. Juan Manuel Muñoz Céspedes Madrilgo Kalte Zerebraleko Unitateko eragile gisa eta neuropsikologiaren esparruan pertsona askoren maisu gisa gogoratuko dugu.  Jordi Bernabeu, Valentziako Ahizpa Ospitalarien neuropsikologo ospetsua behar baino lehen hil zen. Bi sariak ahoz azaldutako bi posterrik onenen egileei banatu zizkieten.

Komunikaziorik onenaren Juan Manuel Muñoz Céspedes saria Naiara Aguirrek irabazi zuen, Universitat Jaume I unibertsitatekoa, lan honengatik: ‘El entrenamiento en memoria de trabajo mejor el rendimiento y la eficiencia cognitiva de los pacientes de EM’. Posterrik onenaren Jordi Bernabéu saria Granadako Unibertsitateko Ruiz, M eta bere kolaboratzaileek irabazi zuten, lan honengatik: ‘La evaluación NPS del recién nacido de alto riesgo contribuye a la predicción del rendimiento en memoria de trabajo y planificación a los 8 años’.

Deja un comentario

Tu dirección de correo electrónico no será publicada, sí publicaremos en esta página el contenido del mensaje. Los campos necesarios están marcados *

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

head

En Dañocerebral.es usamos cookies

En danocerebral.es usamos cookies; recogemos datos de manera automatizada, mediante cookies propias y ajenas y otros elementos de almacenamiento local y de sesión.


Si pulsas "ACEPTO" entendemos que aceptas la instalación de las cookies necesarias para permitir el correcto funcionamiento del sitio, para recordar el lenguaje que has elegido y las cookies que aceptas, y para obtener estadísticas anónimas sobre el uso del sitio.


Además, usamos otras cookies que nos permiten ofrecerte determinadas funcionalidades y mostrarte contenidos añadidos, como vídeos o audios. La ley nos obliga a pedirte permiso para instalar estas cookies.


Nota: Tu elección o configuración sólo se aplicará a este dispositivo y a este navegador.

Privacy Settings saved!
Configuracion de Privacidad

When you visit any web site, it may store or retrieve information on your browser, mostly in the form of cookies. Control your personal Cookie Services here.

Rechazar todos los servicios
Acepto todos los servicios